聖誕送乜好？
又到聖誕，又到聖誕，又要煩送咩禮物好，唔洗煩！callfruit菓后醒你幾款冬天當造必食生果，唔單止好睇仲要健康，送禮自奉佳適宜，一於每款買兩打，一打送比人，一盒自己食啦！
日本清森女神金啤梨
唔好睇佢個樣咁醜，表皮凹凸又生哂雀斑 ，但其實佢好溫柔架，️農民以改良方法培植，令到內裏更多汁，被譽為日本人氣啤梨第一位添，果肉清甜，果皮薄而無渣，爽脆中帶點軟腍，肉質柔滑細膩，清甜適中。
日本佐賀肥前淡雪士多啤梨
放響男士身上會覺有啲姣，放響女士身上又未必個個駕馭得到，但無論男女老幼遇上呢個嚟自日本粉嫩色嘅佐賀肥前淡雪士多啤梨都一定Carry到。
澳洲金樹熊車厘子
呢隻每年都大受菓迷歡迎，佢嘅出現亦正正意味住塔斯曼尼亞車厘子就快出場，塔斯未有前菓迷唔需要失望，金樹熊車厘子每粒都經過精心挑選，等車厘子成熟後先採摘，充滿光澤嘅酒紅色好鬼吸晴，粒粒都咁圓潤品質好高架。
日本唐津蜜柑
唐津喺唐朝帶番日本並加以改良，為咗紀念所以用咗【唐】嚟命名，喺種植嘅過程中要對溫度️同水作出嚴密管理，可以成為佐賀嘅人氣商品，係有佢嘅理由，鮮甜多汁，果肉厚實，皮薄無核。
